Katalonia e pavendosur për zgjedhjet e parakohshme

22:45 | 29 Tetor 2017
Trina Galanxhi

Partitë pro dhe anti pavarësi në Katalonia përkrahen pothujase nga një numër i njejtë i njerëzve.

Sipas një sodazhi të fundit, në zgjedhjet e parakohshme rajonale, mund të shihet se partitë pro-unitare kanë një numër më të madh të mbështetësve, transmeton portali arbresh.info

Partitë që kundërshtojnë pavarësinë e Katalonjës nga Madridi kanë marrë rreth 43.4 përqind të mbështetjes, sipas sondazhit të kryer nga Sigma Dos për gazetës El Mundo.

Ndërkaq, ata që janë në favor të shkëputjes nga Spanja mbështeten me rreth 42.5 përqind.

Sondazhi është organizuar nga gazeta e cila në përgjithësi kundërshton pavarësinë e Katalonjës.

Qeveria qendrore e Spanjës këtë javë ka bërë thirrje që zgjedhjet e parakohshme të mbahen me 21 dhjetor, pasi ka hedhur poshtë qeverinë e tanishme të udhëhequr nga Carles Puigdemont./arbresh.info/